«МАЭК» ЖШС-де жыл сайын өткізілетін «Жылдың үздік қызметкері» байқауы аясында 2024 жыл қорытындысымен «Үміт және перспектива» номинациясы бойынша ЖЭС химиялық талдау зертханашысы Мерует Базарбаева марапатталды.
        Мерует кәсіпорындағы еңбек жолын бастаған үш жыл ішінде өз қызметін жауапкершілікпен атқаратын, болашағынан үлкен үміт күтуге болатын жас маман ретінде танытқан. Өткен жылы ол өз лауазымына сәйкес біліктілігін 5 санатқа көтерді және өз тәжірибесін жетілдіруді жалғастыруда.
       Меруерт су, бу, газ және майдың күрделі талдауларын жүргізеді, техникалар мен ГОСТ-тың барлық қыр-сырын зерттейді. Ол басшылықтың тапсырмаларын, уақытылы орындап, жоспарлы жұмыстарды тиянақты атқарып, өндірістік жұмыс барысында туындаған мәселелерді шешуде де бастама көтеріп жүр.
         Меруерт ұжымда тек кәсіби біліктілігімен ғана емес, адамгершілік қасиеттерімен де ерекшеленеді. Оның байқаудағы жеңісі оның еңбекқорлығының, ізденісінің және өз ісіне деген жауапкершілігінің көрінісі. Бұл жетістік оның тек кәсіби салада ғана емес, жеке тұлға ретінде де жоғары деңгейге жеткенін көрсетеді. Меруерттің ұжымдағы беделі мен құрметі оның әріптестеріне деген құрметімен және өз міндеттеріне адалдығымен қалыптасқан.