Маңғыстау атом энергетикалық комбинаты (МАЭК) 1968 жылы 1 шілдеде өз алдына жеке кәсіпорын болып құрылды. Кәсіпорын өңірдегі өндіріс аймақтарын және тұрғындарды электр энергиясымен, жылумен және сумен қамтамасыз етеді.

Кәсіпорында 3 645   мамандар мен жұмысшылар қызмет етеді.

Комбинат құрамында үш электр станциясы (ЖЭО-1,ЖЭО-2, ЖЭС), Дистиллят өндіру және өнеркәсіптік жылумен жабдықтау зауыты, Жөндеу зауыты, Желілер мен қосалқы станциялар цехы, БН-350 реактор қондырғысы (1999 жылдан бастап қолданыстан шығару жұмыстары жүргізілуде) бар. Бұлардан басқа «МАЭК-Қазатомөнеркәсіп» ЖШС құрылымына кәсіпорынның негізгі технологиялық жұмыстарын қамтамасыз ететін 11 өндірістік учаске мен қосалқы цех кіреді.

2019 жылдың 14 қарашасынан бастап «МАЭК-Қазатомөнеркәсіп» ЖШС ҚР Энергетика министрлігінің ведомстволық бағынысты ұйымдарының құрамына кірді.

2022 жылдың 21 қарашасынан бастап «Маңғыстау атом энергетикалық комбинаты-Қазатомөнеркәсіп» жауапкершілігі шектеулі серіктестігінің кейбір мәселелері туралы» Қазақстан Республикасы Үкіметінің 2022 жылғы 21 қарашадағы №930 Қаулысымен энергокомбинат Маңғыстау облысының коммуналдық меншігіне берілді, сондай-ақ «Маңғыстау атом энергетикалық комбинаты - Қазатомөнеркәсіп» жауапкершілігі шектеулі серіктестігін «Маңғыстау атом энергетикалық комбинаты» жауапкершілігі шектеулі серіктестігі деп өзгерту туралы шешім қабылданды.

МАЭК өндірістік қызметті жүргізуге мүмкіндік беретін барлық тиісті лицензиялармен қамтамасыз етілген. Комбинатта объектілердің энергетикалық және өзге де жабдықтарын сенімді және апатсыз пайдалануға және қажетті жөндеу жұмыстарын жүргізуге мүмкіндіктері мол, біліктіліктері мен білім деңгейі жоғары тәжірибелі мамандар еңбек етуде.

Қазақстанның барлық аумағында атмосфералық ауаның сапасын бақылауға мүмкіндік беретін Қазгидромет қосымшасын жүктеп алыңыз.