«МАЭК» ЖШС басшылығы кәсіпорынның Дистиллят өндіру және өнеркәсіптік жылу сумен жабдықтау зауытының басшысы Қадырбек Өтеуліұлы Әбуғалиевті құрметті демалысқа шығарып салды.
Кәсіпорынның бас директоры Жасұлан Сүйіншалиев Қадырбек Өтеуліұлына энергетика саласын дамытуға қосқан үлесі, белсенді қоғамдық қызметі және көп жылғы адал еңбегі үшін комбинат ұжымы атынан Алғыс хат табыстады.
42 жылдық еңбек өтілінің 11 жылын энергетикаға арнаған Қадырбек Әбуғалиев бүгінде бақытты әке, қадірменді ата, әріптестері арасында құрметті басшы болды. Өз кезегінде Қадырбек Өтеуліұлы комбинат басшылығына құрмет көрсеткені үшін ризалығын білдіріп, кәсіпорын қызметіне табыс тіледі.