«ЛИГА-А» әуесқой ерлер командалары арасында «Mangystau Volley League Ball Team 2024-2025» облыстық чемпионаты аяқталды. Өткен жылдың қазан айынан бастап өңірдің 10 командасы ең мықты атақ үшін күресіп, бес ай мен тоғыз шиеленісті матчтың қорытындысы бойынша «МАЭК» командасы чемпион атанды.

       Үшінші жыл қатарынан лига чемпионы атанған МАЭК волейболшылары жарыс барысында үйлесімді ойын және жоғары кәсіби деңгей, командалық рух бірлігін  көрсетті. Бірнеше айға созылған чемпионат нәтижесінде  МАЭК командасы  турнир чемпионы, «Өзенмұнайгаз» - күміс жүлдегер, «Қарақия» - қола жүлдегер атанды.

        Лига жеңімпаздары мен жүлдегерлерін  салтанатты марапаттау рәсімі наурыз айының басында өткізіліп, арнайы кубок пен марапаттар табысталатын болады.

        МАЭК командасын лайықты жеңісімен құттықтаймыз және спорт аренасында одан әрі табыс тілейміз.