Бүгін, 11 қарашада «Орбита» спорт кешенінде «МАЭК» спартакиадасы аясында баскетболдан жарыс басталады. Турнирге комбинаттың Қауіпсіздік қызметі (ҚҚ), Жылу электр станциясы (ЖЭС), Жөндеу зауыты (ЖЗ), БН-350 РҚ және Желілер мен қосалқы станциялар цехы (ЖҚСЦ) бөлімшелерінен, барлығы бес команда қатысып, бәсекеге түсетін болады.
       Бірнеше күнге созылатын жарыста әр команда жеңіске жету үшін күресіп, қатысушыларға да, көрермендерге де жарқын эмоциялар сыйлайтын ойын болатыны сөзсіз. Бүгін сағат 17.10-да басталатын жарыстың алғашқы күнінде баскетбол алаңында Қауіпсіздік қызметі және Жөндеу зауыты командалары, сонымен қатар, ЖЭС және БН-350 РҚ командалары кездеседі.
       Кәсіпорын спартакиадасы барысында бұған дейін өткізілген жарыстар өзара достық атмосферада өткізілуде, дегенмен спортшылар жеңіс үшін барын салып, шиеленісті ойында команда намысын жібермеуге тырысады.
Осы қызықты спорттық іс-шарада өз командаларыңызға қолдау көрсетіп, жанкүйер болуға шақырамыз!