Алдағы Энергетика күніне орай «МАЭК» ЖШС басшылығы энергокомбинаттың еңбек ардагерлерін арнайы барып құттықтады.

Кездесу барысында комбинат өкілдері естелік сыйлықтар мен Маңғыстау облысы әкімінің өңірдің энергетика саласын дамытуға қосқан елеулі жетістіктері мен жеке үлесі үшін берілген Құрмет грамоталарын табыстап, кәсіпорындағы қызмет еткен жылдарда сіңірген еңбегі үшін ардагерлерге алғыс білдірді.

Дощанова Галия Балтабековна, Макраусов Анатолий Николаевич, Музыка Виктор Григорьевич, Таривердиев Азим Асанбекович, Усатенко Владимир Закетович, Беженар Светлана Федоровна және Чуприна Людмила Ивановна әріптестерін жылы қарсы алып, «МАЭК» ЖШС басшылығы атына алғыстарын білдірді.