Облыс орталығын ыстық сумен жабдықтауды 19 қыркүйектен бастау жоспарлануда. Қазіргі уақытта жылу желілерінің құбырларын шайып, жуу жұмыстары жүргізілуде.
Жылу желілерінде гидравликалық сынақ жүргізген кезде анықталған ақауларды жөндеу жұмыстары аяқталғаннан кейін 13 қыркүйекте құбырлар сумен толтырыла бастады.
Жөндеу жұмыстарынан кейін пәтерлерге сапасыз ыстық судың келуін болдырмас үшін 19 қыркүйекке дейін жылу желілеріндегі су айналымға қойылып, құбырлар жуылатын болады. 19 қыркүйектен бастап тұрғын үйлердегі пәтерлерге ыстық су беру жүйесін ашуды қызмет көрсететін ұйымдар жүзеге асыратын болады.