2021 жылғы 1 қарашадан бастап тұрмыстық тұтынушыларға жылумен жабдықтау және сумен жабдықтау қызметтерін көрсетуге арналған жаңа жария шарттар қолданысқа енгізіледі.

Шарттар Қазақстан Республикасының Азаматтық кодексінің, Қазақстан Республикасының 2018 жылғы 27 желтоқсандағы № 204-VІ ҚРЗ «Табиғи монополиялар туралы» Заңының, Қазақстан Республикасы Ұлттық экономика министрінің 2015 жылғы 28 ақпандағы № 163 бұйрығымен бекітілген «Сумен жабдықтау және су бұру жүйелерін пайдалану ережелерінің», Қазақстан Республикасы Ұлттық экономика министрінің 2019 жылғы 24 маусымдағы № 58 «Реттеліп көрсетілетін қызметтерді ұсынудың үлгі шарттарын бекіту туралы» бұйрығының талаптарына сәйкес әзірленді.

Ұсынылған жылумен жабдықтау және сумен жабдықтау қызметтері үшін есеп айырысу тәртібі Қазақстан Республикасы Энергетика министрінің 2014 жылғы 18 желтоқсандағы № 211 бұйрығымен бекітілген жылу энергиясын пайдалану ережелерінің, ҚР Құрылыс және тұрғын үй-коммуналдық шаруашылық істері агенттігі Төрағасының 26.09.2011 ж. № 354 бұйрығымен бекітілген Елді мекендерді сумен жабдықтау және/немесе су бұру қызметтерінің ұсынылған көлемдерін есептеу әдістемесінің соңғы редакцияларын, сондай-ақ Қазақстан Республикасының табиғи монополиялар саласындағы басқа да НҚА ескере отырып, өзектілендірілген.

Сондай-ақ, табиғи монополиялар саласындағы қолданыстағы заңнамаға сәйкес әрбір тұтынушы жеке шарт жасасуға құқылы. Ол үшін 10ш/а, №1 үй мекенжайы бойынша орналасқан «Омега XXI» ЖШС кеңсесіне жүгіну қажет, онымен «МАЭК-Қазатомөнеркәсіп» ЖШС 02.04.2021 жылы сервистік қызмет көрсету қызметтерін ұсынуға шарт жасасқан.

Осы жария шарттардың талаптары бұрын жарияланған жылумен жабдықтау және сумен жабдықтау жария шарттарының орнына күшіне енеді.

Көрсетілген шарттар www.rkc.maek.kz  және www.maek.kz сайттарында орналастырылған.

      «МАЭК-Қазатомөнеркәсіп» ЖШС әкімшілігі