Атом саласы қызметкерлері күнін мерекелеу аясында шағын футболдан энергетикалық кәсіпорынның спартакиадасында ерекше ойын үлгісін көрсетіп, жүлделі үшінші орын алған  БН-350 РҚ  командасын марапаттау рәсімі өткізілді. Кәсіпорын спартакиадасы биыл шағын футбол жарысымен басталды. Комбинат қызметкерлерінің командалық рухын көтеріп, жеңістерге ұмтылдырған спорттық жарыстар одан әрі жалғасуда.

      «МАЭК-Қазатомөнеркәсіп» жергілікті кәсіподақ төрағасы ойыншыларға қызметте, сонымен қатар, спорттық жарыстарда да ұйымшыл болудың маңыздылығын атап өтіп, марапаттар табыстады. Команданың әрбір қатысушысына олардың табандылығы мен жеңіске деген ұмтылысы үшін мақтау грамоталары табыс етілді.

      Мерекелік  іс-шара қатысушылары ұжым абыройын биіктетіп, марапаттарға ие болған әріптестерін құттықтап, естелік суретке түсті.