«МАЭК» ЖШС ЖЭС-те №2 энергоблок генераторы роторын жөндеу жұмыстары аяқталған соң оның орнықтылығы мен электрлік қосылуын тексеру үшін турбина іске қосылып, сынақтан өткізілді. Осы жұмыстар сәтті аяқталған соң энергоблок синхрондалып, желіге қосылды.

2023 жылы генератор роторы істен шыққан соң энергоблок 13 ай бойы жөндеуде тұрды. Бұл Маңғыстау өңірін тұрақты түрде электрмен жабдықтауға елеулі қауіп төндірген болатын.

№2 энергия блогы іске қосылғаннан кейін тұтынушыларды энергиямен қамтамасыз ету мүмкіндіктері едәуір ұлғайды.
Қазіргі уақытта Жылу электр станциясында жалпы өндірісі 360 МВт болатын барлық үш энергия блогы жұмыс істеп тұр.