Ағымдағы жылдың 23 желтоқсанында кәсіпорынның Жылу электр станциясы аумағында жазатайым оқиға орын алып, Жөндеу зауытының шебері Жарас Атаниязов қаза болды. Бұл қайғылы оқиға оның әріптестері мен кәсіпорын басшылығының жүрегінде өшпес із қалдырған өкінішті жағдай болды.

      Жарас Атаниязов комбинатта көп жыл еңбек еткен тәжірибелі әрі білікті мамандардың бірі болатын. Жөндеу зауытындағы әріптестері арасында  ол өз қызметіне аса   жауапкершілікпен қарайтын, кәсібін терең меңгерген маман ретінде үлкен құрметке ие жан еді. Қайғылы қаза  оның отбасына ғана емес, сонымен қатар, ұжымдағы сыйлы, қадірменді,  керемет жаннан айырылған әріптестеріне де ортақ.

      Бүгін комбинат басшылығы мен әріптестері марқұмның отбасына барып, оның жақындары мен туған-туыстарына  көңіл айтып,  марқұмды соңғы сапарға шығарып салды.

      Кәсіпорын басшылығы марқұмның отбасына  жан-жақты көмек көрсетілетінін мәлімдеді. Қазірде орын алған оқиға бойынша тергеу жұмыстары  жүргізілуде.