9-11 қазан аралығында  2024 жылға бекітілген облыс көлемінде өткізілетін оқу-жаттығулар жоспарына сәйкес кешенді оқу-жаттығулар өткізілді. Оқу-жаттығу Табиғи және техногендік сипаттағы төтенше жағдайлар туындаған кездегі басқару органдарының, азаматтық қорғау күштерінің және халықтың жедел  іс-қимылдары тақырыбына арналды.

      Оқу-жаттығу аясында қалалық азаматтық қорғау қызметтері карталармен жұмыс және ресімделген құжаттарды әзірлеу тақырыптарын қамтитын теориялық сабақтар өткізді. Қала әкімімен бірлесіп арнайы күштер мен құралдардың саптық байқауы ұйымдастырылды.

       Жаттығудың практикалық бөлігі химиялық қауіпті нысанда апат, жер сілкінісі және коммуналдық желілерде апаттар болған жағдайда іс-әрекеттерді пысықтауды қамтыды. «МАЭК» ЖШС Азаматтық қорғаныс және төтенше жағдайлар бөлімінің қызметкерлері генератор мен жылу пистолетін көрсетті. Мамандандырылған техника тұрғын және өндірістік үй-жайларды жылыту үшін «Жылу» сигналы кезінде іске қосылады. Жаттығуға қатысушылар сонымен қатар теміржол платформасына техниканы тиеу әдістерін үйретті.

        Бұл іс-шаралар түрлі төтенше жағдайларға дайындықты арттыруға бағытталған.